welcome

welcome to my bloge :)

الأحد، 6 فبراير 2011

الله يجازي نظرتك

الله يجازي نظرتك


كعادته .. المغرم .. العاشق بتلك العيون .. يذهب إليها .. كما هو ..

يحمل إليها نظرات الحب .. يراها .. كعادتها .. جميله .. أنيقه ..

ولكن !

لم تلقي السلام .. لم تبتسم .. نظرتها لم تدم طويلًا .. نثرت شعرها على وجهها ..

تفادت نظراته ..

وذهب ..


" تلك كانت نظرتها"



الله يجازي نظرتك ..




خلتني أحاتي ..




مدري؟ هو تغلّي ..




هو زعل ..




والا تِفادي ..




ما عدت مثل أول ..




اتّبوسم ..




واتّمخطر ..




ولا عدت مثلي تبالي ..




حتى سلامك يا حبيبي ..




يفتقد فيه التهلّي ..




وافتقد فيه الأماني ..




اعذريني ..




أدري حبي غريب ..




أدري فريد ..




لكنّي حياوي ..




وترى ماهو غريب ..




لأني أشبهك في صفاتي ..




ولكن صدودك حيرتني ..




حطّمت في قلبي فؤادي ..




خلتني اتحيّر ..




واتحسّر ..




واقطع ابحلمي ثيابي ..




واسمع بدربي
..

" قالوا



ترى




مالك




امل




في




قربها




لو




يوم "




واقول يكفي يكفي ياعبادي ..




مدري ..




مدري وش بلاك ..




شلّي غيرّك ياغناتي ..




أنا أنتظر زولك ..




وانتي تنتظري زوالي ..




كل كلامي ..




لا يعني رحيلي ..




ولا أعني ترحالي ..




يعني إني أحتضر ..




يعني إني أنتظر ..




عند باب المخرج .. الشمالي ..




لا تحسبي إني أكذب ..




أضحك ..




أو هذا دِجالي ..




ترى إنتي ..




ما زلتي بطلة مسلسل خيالي ..




وأنا مازلت أحلم ..




إنه نكون بين أهلي ..




والأهالي ..




لا تجلسي جنبي ..




ابيكي دوم اقبالي ..




واتكوني اقرب قريبي ..




وانتشابك بالأيادي ..




ويسإلك شنهو شورك ؟




اتقولي قبلت ..




واتصيري حلالي ..




من بعد هاليوم يا عمري ..




ترى عمري يهنى لي ..




الله يجازي نظرتك ..




خلتني أحاتي ..




..




..




..




تسألني من ؟




ترى هذي ".....ــي" ..



هناك 10 تعليقات:

Seema* يقول...

"أنا أنتظر زولك ..
وانتي تنتظري زوالي .."
Ouch!

يعجبني أسلوبك
قصة في قالب شعري

بس ليش؟ ليش هالحزن كله؟ أحس بغصة وأنا أقرا وكل مرة أقول الياي بيتغير.. بس في "شخص" شكله ما وده!

حَافِـيَةُ الَقَدمَيّـنْ ولِبَاسِي المَطـرْ يقول...

أماني :)

وتظل اماني ,
نصك اليوم ودانيي بعييييد
حسيت بشعور من زمان ما مرني

بالمختصر اليوم ابدعت حيل
وترجمت اللي فيك صح

غير معرف يقول...

خطيييييييييير بالأخص في هالكلمتين....


شعرك وايد حلو والأحلى انه يغلب عليه الجانب الفكاهي نوعا ما.....

طلعتنا من الهم شوي...

وألحين بس تطمنا عليك:))

keep it up:)

غير معرف يقول...

اتّبوسم ..




واتّمخطر ..


نسيت أكتب الكلمتين:)

صفحات مُلطخّة بحروفي يقول...

ايـــه " مالك أمل في قربها لو يـوم "
تتميز بأسلوب جميل وفريد من نوعه ..
أستمتع بتواجدي هنّي =)

Engineer A يقول...

اسلوبك رائع جداً ومتميز

مثلما قالت سيما قصه في قالب شعري ..

جميلة جداً استمتعت بقراءتها كثيراً

كن بخير

غير معرف يقول...

صح لسانج خوش حجي

aL-NooR . يقول...

:)))))))
في كل مرة
انبهر بنص من نصوصك
كلام مسطر بطريقة مبهرة
امتهني النص .. و الحرف .. الجو الكامل
بالم الكلمة ..و روح اقتباسات ما كنت الا لك ")

Nouna يقول...

هذه زيارتي الأولي هنا .. ولكنها أبدا لن تكون الأخيرة .. أستمتعت جدا بأسلوبك الراقي

وفقك الله

اقبل مروري

:)

حَافِـيَةُ الَقَدمَيّـنْ ولِبَاسِي المَطـرْ يقول...

ترى اشتقنا