welcome

welcome to my bloge :)

الخميس، 3 يونيو 2010

في يومي الخامس

في يومي الخامس من السنه الجديده

نزل دمعي حاملن معه كل حزن


وبديت أذكر معه كل لحظه بالدقيقه

وأشعر إن حبي معه خيال و وهم


جتني تقول ملجت و حطيت إيدي بإيده

اذبحتني سهامك جتني ضرباتها بالجفن


الله يلعن ذيك السهام مادريت إنها سديده

كنت أشيلك طول الأيام كنت أنومك فالحضن


ولكن اسمعيني وافهميني ولا تحسبي إنك فريده

ترى مثلك ياحبيبي كثار منهم بالزمن


شلت قلبي من محله و عطيتك فوقه وريده

بعتي قلبي يابنت الناس يابنت الأصايل والقيم


مابي أقول إنك قوية لكن بقول إنك حديده

قصدي إنك ميت إحساس و إن مشاعرك كفن


يعني قصدي إنها ميته و إن كلامي شفيده

مو مهم هذا الكلام خليني أتكلم بالأهم


أنا حبك يابنت الناس والله ما أريده

ما أبي حب كله هموم و حسره و ألم


ماني خابر ان البنات دلعهن صار عنيده

أنا خابر كلام الرجال دايم حلقه بالإذن


مابي ألفّك بالكلام و بمشي معك سيده

إنتي ثقلن بالأبحار يغرّق أحلى السفن


ولكن زوجك أمانه كوني لو مره عضيده

كوني يمه في الشدايد كوني يمه في الهمم


ولحظه قبل ما أرحل في شيٍ بزيده

أبي منك تصونينه ولا خلا ولا عدم


و إن ما سمعتي كلامي تراني بعيده و أعيده

و إن ما فهمتي كلامي تراني برسمه لك رسم

هناك 5 تعليقات:

Antonio يقول...

البتشينو

كم ابدع قلمك في تسطير هذه الحروف الرائعه

وكم هو أليم الفراق لكن

القلب يتقلب

فليتقلب على ماهو أجمل في المستقبل

دام إبداعك

ومتعطشين للمزيد

دمت بألف خير

تقبل ودي الكبير

Al Pacino يقول...

أشكرك يا أنتونيو على هذا الكلام

و لا أحب أن أتحدث عن الألم و الفراق

و إذا تريد أن تتحدث عن القلب فأريد أن أعلمك أن لا يوجد لدي قلب الآن :)

دمت بألف خير

alB6h يقول...

كلماااات في القمة فيها الشهامه اللي نادر ما نشوفه
بس من حق المشاعر تزعل وتعاتب وتشكي عن الفراق مهما
صار , المشاعر تتعب ولازم في يوم نشكي عن الم والفراق!!

اللي يبيع بسهوله يشترونه بسهوله وهمن في نفس الوقت الدنيا دواره وينباع مثل ما باع اللي اشتروه!!

يعطيك العافية :)

العلم نور يقول...
أزال أحد مشرفي المدونة هذا التعليق.
Al Pacino يقول...

Alb6h
أشكرج على هذا الكلام الجميل .. و مثل ماقلتي المشاعر من حقها تتعب و تعاتب .. وكلامج في جدا منطقي لين قلت إلي يشترونه بسهوله ينباع بسهوله ..

شكرا على مرورج و دمتي بألف خير