welcome

welcome to my bloge :)

السبت، 6 مارس 2010

جالس لحالي

جالس بجنبك و أشعر إني جالس لحالي
وين حنان أول يوم أنام و كنت تصحالي

كان صدرك فراشي و كانت اكفوفك لحافي
تغطيني ، تدفيني و تجبرني إنك في بالي

إنتي يلي ما أبيعك و بالغلا قلت شاري
شاري حبك يا عضيدي ياللي بأنفاسي رابي

أما إنتي تبيعيني و بعد الأول صرت تالي
حتى فصلي من كتابك محيتيه و صار خالي

أحمد الله إني أرخصتك من بعد ماكنت غالي
ببيعك رخص التراب و بيدّي آخذ ثاري

و بعلمك إن التواضع يرفعك يا حبيبي عالي
و بفرجك للناس ، وله تدري مابجيب طاري

مابي أقول إنك حبيبي و مابي أقول إنك فالي
ولاني بكلّمك بالغرور ولا تحسب إنه تعالي

ترى شلتك من أشيائي والقلب صار سالي
صارو الناس يمدحوني و باقي شعره و أصير والي

هناك 8 تعليقات:

Engineer A يقول...

ما افهم وايد بالشعر والقصيد ..

بس كلمات جميلة ومعبرة ..

دمت بخير

Antonio يقول...

مبدع البتشينو

مبروك على المدونة :)

واخيرا راح نستمتع معاك وبكلماتك العذبة :)

ناطرين ابداعاتك القادمة لا تبخل علينا ...

دمت بالف خير

الباتشينو الاب الروحي

تقبل ودي

bokeh of magic * يقول...

كلامك وايد حلو
بانتظاار المزييد =)

الجودي يقول...

جالس بجنبك و أشعر إني جالس لحالي

ما اصعب هذا الشعور

Al Pacino يقول...

Engineer A
شكرا على المرور الحلو و أنا آسف لأن كان ردي متأخر ..
و أتمنى التواجد دائماً
سعيد بمرورج

دمتي بألف خير

Al Pacino يقول...

Antonio

أتوقع صرت الآن انت الأب الروحي

شكراً على مرورك و إنت تملك أفكار لا نعرف بدايتها و لا تحمل نهايه ;)

أشكرك على المدونه

Al Pacino يقول...

one

شكراً على مرروج و إنشالله راح تشوفين المزيد

دمتي بخير

Al Pacino يقول...

الجودي

هذا مجرد شعور ولكن الحقيقه شيء آخر

أشكرج على تواصلج و مرورج و أتمنى إن نشوف جديدج بأقرب وقت ..

و أنا آسف على تأخيري

دمتي بخير