welcome

welcome to my bloge :)

الجمعة، 6 أغسطس 2010

الا يا بنت القادسيّة





الفرقه صعيبه ..

مع شخص لا أعنيه ولا يعنيني

في نظر هالناس ..

ولكن هي تدري إنها كثير أشياء تعنيني

مابقى سوى كم يوم واشوفك ..

يا نظر عيني ..

أبي عينك تتابعني كأني مدري ..

ترى كذى تِسلّيني ..

مابي أحاكيك ..

ولا أكلمك ..

ولا حتى تِحبّيني ..

أنا متعتي بس أشوفك ..

وكيف بشوفتي تِفْرحيني ..

تخيّلتك كثير في وحدتي ..

تخيّلت إنتي تِصحّيني ..

تخيلت كثير أشياء لو بقول من فشلتي يمكن تِودعيني ..

تخيّلت إنك أبلِتي ..

و أنا جالس ..

و إنتي تَكتبيني ..

و أنا اسرح فيك ..

ومشكلتك تِشرحيني ..

تضربي قلبك على الطاوله ..

وتصرخي ..

تبي مني تِفَهمِيني ..

و أنا أضحك من فرحتي و أقول أنا وين و ياويني ..

تثور أعصابك ..

و تمسكي شعرك ..

و تِمسحيني ..

صدقيني لو بقول كثير اشياء من كثرها تِضحكيني ..

تخيّلت نفسي خاتم ..

و إنك تجي تِشتريني ..

و من شروطه ..

ما تردّيني ولا تبيعيني ..

تَمسكيني ..

وبصبعين تِضمّيني ..

و طول العمر تَلبسيني ..

و أنا طول العمر أحتضن بنصرك ..

وإنتي ولا تِدريني ..

كل أمنياتي تحققت ..

و إنتي بعد .. ولا تِدريني ..

إخذيني ..

إخذيني بعيد عن العالم أنا ترى مابيني ..

أبيك إنتي ..

يلي تضايقي كراتي ..

الحمره ..

والبيضه بشراييني ..

يا عنيده ..

كم مرّه أجي الشامية أزورك ..

وإنتي ولو مره زوريني ..

ما تحبّيني؟

مومهم ..

حتى لو كنتي تِكرهيني ..

تكفيني منك رساله ..

ترى طول العمر تِهنّيني ..

ولكن أدري ..

والله أدري مثل ما أبيك إنتي تِبيني ..

أدري أني بأحلامك ..

و إني بليلك تِفزّيني ..

أنا بحرك ..

و إنتي موجي ..

عساكِ دوم تُغوصيني ..

وأنا طفلٍ بين أحضانك أبي منك تِضمّيني ..

أبي أكبر على صدرك و أبي خدّك يِدفّيني ..

و أبي لا تركت المهد تَمسكيني ..

وفي قلبك تمشّيني ..

و اتّعثّر خطوتي ..

و من خوفك علي تِشيليني ..

و تسإليني ..

شنهي قصوري يا بعد عمري و تَحاتيني ..

و أنا ساكت ..

أقبّل عيونك و اشفاتك تِواسيني ..

يا حلو همّك و عينك ..

لي دريت إنك تِعانيني ..

و تَبكيني ..

ويا حلو جرحك يا بعد جرحي لو إنتي تِداويني ..

كل حياتي صارت تعنيك ..

و كل ما يعنيك يَعنيني ..

ورغم كل خيالي ..

قناعتي بشوفتك تِقوّيني ..

ألا يا بنت القادسيّة ..

يلي بين زميلات عملك تَغريني ..

لو فرضنا ترفضي كل أمنياتي و إنك تِردّيني ..

لي كم من طلب ..

عسى إنك ما تَكدرني ..

و أنا طفلٍ أبي منك تِضمّيني ..

وبهاتفك تِصوريني ..

و أبي أرقد على صدرك ..

بإنتظارك تِنوميني ..

وتِغطّيني ..

و أبي منك آخر طلب !

يا غناتي و لهفة اسنيني ..

بعد ساعه من غفوتي ..

طلّي علي وحِسّيني ..

تراني مت على صدرك ..


و منيتي بقلبك تِدِفْنيني ..

هناك 14 تعليقًا:

Dont.Dwell يقول...

أخيه

الجودي يقول...

الله يخليها لك بنت القادسية

:)

إن شاء الله ترد لها بالسلامه

Seema* يقول...

يا بخّتها بكل هذا! :")

Antonio يقول...

يا سلام عليك أبدعت :)

و يا سلام على غرام بنت القادسية :)

البتشينو ان شاء الله ترد بالسلامه

وتنور الكويت والقادسيه :)

~أم حرّوبي~ يقول...

تخيّلت نفسي خاتم ..

و إنك تجي تِشتريني ..

و من شروطه ..

ما تردّيني ولا تبيعيني ..

تَمسكيني ..

وبصبعين تِضمّيني ..

و طول العمر تَلبسيني ..

اكثر مقطع حبيته ^^
يااااااي عجبتني حييييل ..سلمت يديك والله يحفظلك من تحب ^^

Engineer A يقول...

أنا بعد أمووت في بنت بالقادسية بس عمرها 6 أشهر! :))

كلام جميل والله يردك بالسلامة

alB6h يقول...

مساء الخير
عشت وعاشت بنت القادسية
كلماتك عطتني جو حلو <<< خلتني جذي :D

الله يردك بالسلامة وتكحل عينك فيهم

يعطيك العافية

Al Pacino يقول...

Dont.Dwell

ولو إنه ضحكني تعليقك بس عجبني وايد

شكرًا لمرورك

Al Pacino يقول...

الرائعه الجودي

الله يخليها و بخلّي كل من أحبه و أبيه

و الله يسمع منج :)

شكرًا لمرورج عزيزتي

دمتي لي بألف خير

Al Pacino يقول...

Seema

عاد جان زين لو تدري :)

شكرًا لمرورج أختي العزيزه

Al Pacino يقول...

Antonio

شكرًا لمديحك أخي

أجمل مافي الدنيا الغرام من طرف واحد ..

القادسيّة منوّره في بنت القادسيّة و أهلها ..

شكرًا لمرورك أخي

دمت لي بألف خير

Al Pacino يقول...

أم حرّوبي

أخجلتيني عزيزتي و ونسّتيني والله لأنها أعجبتك هذي الكلمات ..

الله يسمع منج و يخليلج من تحبّين يا رب

شكرًا لمرورج إختي

دمتي لي بألف خير

Al Pacino يقول...

Engineera A

الله يخليها لكم يا رب بنت القادسيّة و يطوّل بعمرها و تشوفونها عروس .. بس أنا إلي أموت فيها عمرها 27 :)


شكرًا لمديحج إختي

الله يسلمح .. و راح نفقدج

شكرًا لمرورج .. دمتي لي بألف خير

Al Pacino يقول...

alB6h
مساء النور
عاشت أيامج ما تقصّرين والله أحرجتيني ..

إنشالله دوم كلامي يعطيج جو حلو يا رب ..

الله يسمع منّج يا رب ..

الله يعافيج و يسلمج

شكرًا لمرورج عزيزتي

دمتي لي بألف خير