welcome

welcome to my bloge :)

الأربعاء، 4 أغسطس، 2010

I'm Arabic Man !!

السلام عليكم
في المعسكر .. ماكو شي .. خلاص الروتين صار واحد .. من زمان طبعًا .. حتى التمرين بدى يبّين علينا التعب .. أكثر من 50 يوم و أنا أتمرن صبح و عصر أكيد بصير في Load على الجسم و على الأجهزه الحيويه بالجسم .. مو هذا موضوعي .. خلصت المسلسلات إلي عندي و بديت أسأل الأهل عن مسلسلات حلوه موجود في الموقع العالمي Youtube فقالتلي أحد أقربائي ..

بنت الخاله : تحب تشوف مسلسل ياباني ..
أنا : أقول يالله عاد يالله .. شدعوه لي هالدرجه ماكو شغل ..
بنت الخاله : شوف .. أنا كنت أقول نفسك إن ويع و ماكو شغل و شهالسخافه .. بس بعدها والله العظيم إن تحسّفت قد شعر راسي على الكلام إلي قلته ..
أنا : شدعوه .. عاد إنتوا البنات كله تبالغون .. أوكي قولي حلو بس مو لي هالدرجه ..
بنت الخاله : والله العظيم يا ولد خالتي إن شي مو طبيعي .. ترى اهو شويّه 11 حلقه .. و قصّة حقيقية ..
أنا : امممممم عن شنو ؟
بنت الخاله : عن وحده يابانية .. إسمها آيا .. كانت تعيش حياتها عادية .. و بعدين بدت تحس في بعينها و بجسمها شي مو طبيعي .. إنها ما تقدر تقدّر المسافات يعني إذا بتسمك شي ما تدري اهو قريب وله بعديد .. و بالبداية ماكانت تقول حق أحد إن فيها هالشي .. مع الأيام قام يبّين عليها بشكل كبير .. المرض إلي فيها اهو مرض "تقلّص في المخيخ" و هذا التقلّص يموّت الخلايا في المخ و يفككها .. و السبب غير معلوم .. بس ماراح أحرق عليك المسلسل إنت شوفه بروحك ..
أنا : إنزين حلوه آيا :p ؟
بنت الخاله : لووووووووووول والله إنك مينون الحين هدّيت القصه كلها و سألتني إذا حلوه وله لأ .. صج إنك فاضي ..
أنا : لا أتغشمر معاج .. شوفي أنا بشوف الحلقه الأولى .. و عقب الحلقه تدرين إن ما عجبتني ؟ والله أزوجج ياباني غصبن عليج :P
بنت الخاله : لووووووووووول .. صدّقني إنك راح تحب آيا .. تدري شنو عوّرت قلبي :( والله شي مو طبيعي المسلسل ..
أنا : إنزين شسمه أكتب آيا بس ؟
بنت خالتي : لأ لأ .. إسمه "لتر واحد من الدموع"
أنا : امممم .. عجبني إسمه ..


يا جماعه .. المسلسل شي خياااااااااااااال .. و صج آيا يابانية بس و رب الكعبه حلوه !! لي درجة إن المنتخب كله قاعد يطالعه الحين .. و المنتخب كله أول شي كان يضحك علي .. و كل واحد إيي يقط علي قطه و يطلع .. يقولي صج صرت مينون آخر المعسكر .. و الحين كل ما أدش على واحد الغرفه الاقيه حاط المسلسل و مندمج ..

إييييي و أبيكم تلاحظون نفسكم .. راح تحفظون كلمتين .. "أريجاتّو" و "أوهايوووووو" حبيت هالكلمتين .. و على فكره ترى المسلسل مترجم ..


و هذي آيا حبيبتي :(

==========================

اليوم باقيلي إسبوع بالضبط للعوده إلى أرض الوطن إن شاء الله .. يعني باقيلي 6 أيام و السابع أطير بالضبط .. فكنت قاعد جان أقول دام إني ما عندي شغل .. و تو الناس على التمرين .. ليش ما أسوي جناطي و أحط كل الملابس إلي ماراح ألبسهم بالجناط ؟ جان أقوم و أطلع جنطتي من الكبت .. و أطلع جنطتي الثانية مالت و إنتو بكرامه الجواتي .. و أطلع كل ملابسي .. و أفرش شرشف بالأرض .. و أصفّط قطعه قطعه .. عاد أنا بالتصفيط ترى والله وايد زين لا يغركم صبي و مادري شنو ترى كل شي أعرف :P




و هذيل الجنطتين ..


و هذي جنطة الملابس ..



و هذي جنطة الجواتي و إنتو بكرامه .. طبعًا مليون جوتي عادي :P 3 حق التمرين .. و غير ملوت الطلعات و غير ملوت الركض و شاري من هني 4 جواتي .. بس زين أنا راح أرجع على التركية .. و التركية تعطي 30 كيلو الوزن .. فيكفّي .. الكبيره فيها 25 كيلو يمكن .. و الصغيره ما توصل 5 و إذا وصلت يطوفون لأني أنا طالع من الكويت 33 كيلو و ما قالولي شي .. أدري بتقولون إنزين الحين زادوا أغراضك أكيد بيزيد وزن الجنطه بس لأ أنا وايد أشياء يبتها معاي من الكويت و راح اخليها هني وايد وايد بعد مو شويه .. يمكن فوق ال 8 كيلو ..



==========================


عشان أثبت لكم إني ينّيت .. هني كنت رايح المطعم بتعشى و كانت معاي المترجمه قاعد أسولف وياها .. إسمها إيفا .. بنية بولندية عمرها 23 سنه .. جان أشوف هذي فوقي

لووووووووووول أدري الصوره غبية بس إن طيّاره جان أصورها شوفوا النقطه البيضه هذي ليتاتها .. جان تقولي إيفا Are you baby ? أنا لووووووووووووووووول أكلمها كويتي يا إيفا 53 Days بس لي متى .. إهي تقول بليز I'm not kuwaitia talk to me polski :P ..

قبل لا أدخل المطعم في شباب بولنديين قاعدين بره مريت أنا و إيفا جان يتكلمون بالبولندي و يضحكون .. جان إيفا توقف و تعصب و تكلمهم بولندي و اهمه قاعد يردون عليها و أنا مستغرب شسالفه !!؟
جان أقول حق إيفا


What's wrong ؟

جان تقولي

Nothing they say something bad about you!

جان أنا أوقف و أقوله بكل هدوووووووء

I don’t know what you said .. but I think you understand the English language .. I'm Arabic man .. And if the Arabic man wanna kill some one .. he will kill him .. and kill he's family .. also he's baby .. I mean he's love .. so beware next time ..maybe I will kill you soon ..

طبعًا يا جماعه لا تشوفون شسصار فيه و شسصار بإيفا عقب ما قلت له جذي .. أول ما دخلت المطعم جان تقولي صج راح تذبحه .. قتلها إنتي مينونه ؟ شذبح فيه بس لازم نخرع هالأشكال .. جان تقولي تدري إني صدقتك :P كنت تتكلم و إنت واثق من نفسك و عيونك تخرّع ..

طبعًا إنتوا ما تدرون ليش صار كل هذا .. أنا شوي مربي لحيتي و صايره طويله .. و مثل ما توقعت الشي إلي قالوه طلع صح .. فعقب ما قعدت مع إيفا و سألتها شنو قال جان تقولي قالوا شوف الإرهابي قاعد يمشي و ويّاه وحده حلوه .. فأنا لين قتله إني عربي و إني راح أذبحك و أذبح أهلك تعّمدت إني أقول جذي عشان أضبط الدور مع اللحيه .. للأسف في ناس متخلفه مثل هالأشكل لازم تخوّفهم .. شوي وله دشوا المطعم و قاعد يطالعوني جان ينادون إيفا .. جان تيني إيفا تقولي إعتذروا مني و هم يقولولك إحنا آسفين أنا لوووووووووووووول ..

هناك 24 تعليقًا:

Hope يقول...

صباح الخير

لأ مو من صجكم تطالع ياباني ؟
يا الله العدوى قامت تنتشر بسرعه .. زايدين اللي يطالعون كوري و ياباني

..
و عن الشباب البولنديين
لول ضحكتني
بس دير بالك ترى الغشمره ساعات تودي بستين داهيه
ما يسوى عليك باجر يتهمونك بشي مني ولا مناك
تدري بعد كل بلوة يقطونها براس العرب

الله يردك بالسلامه

قلم ومسّاحة يقول...

احسن زين سويت فيه هالأشكال مايييون إلا بهذي الطريقة وأنا لو كنت بنفس مكانك كنت بتصرف بنفس التصرف. الاجانب مخهم على قدهم، من يشوفون واحد عربي عبالهم الكل إرهابي!! تفكير محدود وماعندهم أي إطلاع وهذا مو ذنبنا إذا اهما جهلة. وزين سويت رتبت جنتطك علشان قبل السفر بيوم يكون كل شي جاهز وما تحوس وتتخربط بوضع الأغراض، والله يرجعك بالسلامة يارب. المسلسلات والأفلام اليابانية أحلى شي وقصصهم روعة وتشوق وجان زين في بالكويت محل حق الأفلام اليابانية "ومترجمة " لأن صجج افلامهم الرعب كلها توب واغلبها اقتبستها هوليود منهم. حتى الدراما بمسلسلاتهم روعة. ثانكس ع البوست

Seema* يقول...

LOOOOOL
برغم إني أخالفك بتصرفك بس... حلوة! :p
للأسف في صورة خاطئة عن العرب والمسلمين وانت ثبتها بعقولهم حتى لي تكلموا وقالوا العرب ارهابيين بالمستقبل لأي شخص راح يستدلون بالموقف اللي حصل معاهم وياك. ترى الدين معاملة, وإذا اهما اسائوا لك فهذا يدل على تردي أخلاقهم, انت تعامل الناس بأخلاقك وإلا أخلاقهم؟ :)

اليابانيون يوّسون.. بكلامهم وحتى بأشكالهم, أحس التعابير العبيطة في "الكارتونز" صج تطلع على ويوهم مو بس بالرسم!

الله يسهم دربكم!

--
*على الطرف: أشكرك على تعليقاتك الطيبة, حيل فرحتني.. ما تقصر! :)

الجودي يقول...

Al Pacino

ناوي ضيع روحك ومنت عارف إشلون افرض واحد فيهم راح بلغ وسوالك مشكله إنت في غنا عنها انتبه يا خوي .. مو جذي لا تتمشكل مع أحد ...

جناطك استودعهم الله علشان يوصلون بالسلامه معاك ولا تنسى تقفلهم ...

بشوف المسسلسل الياباني :)

وفي سايت في مسلسلات اسمه موفي سكاي فيه مسلسلات مصريه و تركيه و وايد شغلات اشوفه لما اسافر .. ونيس و يأدي الغرض ..


سوري على البداية الناشفه بس خليتني احاتي يعني يوم ما بقى إلا اسبوع اتسوي مشكله من لاشئ

على كل ترد بالسلامه يا أخوي إن شاء الله

هديــل يقول...

الله من زمان عن المسلسلات اليابانية :)
انا افضل الكورية بس لا مانع من اليابانية وكل عطلة صيف ادمن على مجموعة مسلسلات واقعد اطالعها :)

على طول رحت اليوتيوب وشفت أول حلقة من المسلسل عجيبة بكملها .. بنت خالتي مطالعة هالمسلسل من قبل ومادحته

ترجع بالسلامة ان شاء الله

ودير بالك منهم ترى بعضهم حاقدين ع العرب والمسلمين :@

يعطيك العافية بكمل المسلسل :$

*Being One يقول...

انا شفت اول جم حلقه من المسلسل بس بعدين ما مداني اكمله حسيته وايد حزين و مالي خلق كابه بروحه المود مو اوكي P: ,
عاد احلى شي بالسفر تزهب الجناط مادري ليش وايد استانس لما ازهب جنطتي سواء بالروحه او بالرده ,
لووووووووول لا الصراحه ردة فعلك قويه ما كنت اتخيلها !! , بس زين تسوي فيهم

انزين البتشينو حدك حيرتني شاللي شدك بمدونتي ?

Al Pacino يقول...

Hope

صباح النور

أنا كنت نفسج أقول شنو ماكو شغل أشوف ياباني بس والله شفته و صج صج اندمجت فيه ..
يا معوده ولا أشوف تركي و قصه بو مليون حلقه .. الحمدلله المسلسلات التركية ليلحين ما حاشتني عدوتها ..

لا لا تحاتين ترى الشاب البولندي على قولتنا الكويتيين "خكري" يعني بس يتفلسف ماعنده شي و خوّاف و هذيله أصلاً لو ودهم الحكومه تسويلهم إباده من المجتمع لأنهم مخربين الديره بكبرها حشاج كافي أوصخ منهم .. و ما يقدرون يسّون ولا شي لا تحاتين .. ولو إنهم يقدرون يسون شي جان ما يو بعد 5 دقايق و إعتذروا عرفتي :)

الله يسلمج

شكرًا بمرورح عزيزتي ..

Al Pacino يقول...

قلم ومسّاحه

عدل كالمك أخوي هالأشكال تفكيرهم محدود و مثل هالأشكال ما هموني إذا خذوا فكره سيئة وله زينه عن العرب لأن أصلاً رايهم مو مسموع بالدنيا .. عرفت أشكل إلي هيب هاب و يبي يسوّون روهم Nigers و عايشين دور شيكاغو و عصابات و اهم حتى فراشه ما يذبحون .. بس تفلسف و يتشيحطون جادم بعض ..

إي والله افتكيت الحين بس باقيلي الملابس إلي البسهم لي يوم السفره و كل ما أخلص من لبس أغسله و أصفطه و أحطه بالجنطه ..

والله ذكرتني بفلم ياباني نسيت إسمه والله .. بس كان مو طبيعي كان رعب .. مثل حلاوه تكون بالحلج لونها أحمر و مادري شنو ما أذكر قصته عدل بس كان مو طبيعي ..

شكرًا لمرورك أخي

تقبّل أشد إحترامي لك

ترجع بالسلامه يا رب

Al Pacino يقول...

Seema

أشوه إنها إعجبتج لوووووول .. و أنا هم أخالفج شوي في رايج ..

في نايس من نظرتك الأولى يبين هذيله شنو .. ممكن إنك تجاريهم و تفهّمهم و توصّل لهم معلومه و تغّير شي براسهم .. بس إنتي ما شفتي الأشكال إلي كانت قاعده .. أشكال قذره بمعنى الكلمه و أوصخ ما رأيت في بولندا .. وشم في كل جزء من أجسادهم .. بطول خمر تحت أرجلهم .. زقاير .. و معاهم بنت يعني يتشيحطون جدامها.. معنهم شعب جميل و جدًا راقي بتعامله .. ما أعتقد إني أقدر أغير فكره براسهم بلحظة وقوفي ولكن لو إني ماشي لحظتها و جنّي ما سمعت ممكن راح يتمادون علي و على إيفا و إحنا طالعين من المطعم ويزدون بالكلام لأني ما حطّيتلهم حد صح ؟ بس أعتقد إني إتبعت معاهم إسلوب "العين بالعين .. والسن بالسن .. والبادي أظلم" كذلك في هذه الأمور لا بد إنك تستعمل نظرية نيوتن " لكل فعل ردّة فعل .. مساوية له بالمقدار .. معاكسه له بالإتجاه"

أما من حيث إني أعطي فكره عن الشعب أو الرجل العربي .. فالحمدلله الكل اهني يعشقون الكويتين بشكل ما تتصورينه .. لي درجة إن معلقين علم الكويت جدام الفندق .. هذا غير الأعلام إلي معلقينها بالمطعم و موقعين عليها كل اللاعبين .. لأن دايمًا نتغشمر معاهم و نضحك و أمور كثيره مابي أقول شنو إهيا عشان لا تصير "رياء" و تروح حسناتها مني أو من ربعي ..

لوووووووول إي والله صاجه .. ترى على فكره الشعب الياباني جدًا طيب .. أنا تعرّفت على فتاة يابانية في دورة الألعاب الآسيوية إلي أقيمة في قطر 2006 .. كانت جدًا جدًا طيبه و عطتني إنطباع جدًا حلو عن الشعب الياباني .. عكس الشعب الكوري الكريييييييييييه !!

الله يسلمج و يخليج عزيزتي

--

*على الطرف : ولو أختي .. و أنا أشكر قلمك المبدع أختي .. ترى غيبتك طالت على فكره و ناطر جديدك بأحر من الجمر :)

شكرًا لمرورك الجميل

تقبّلي أجمل تحيّاتي لك

دمتي لي بألف خير

Al Pacino يقول...

الرائعه الجودي

شدعوه يا اختي لا تحاتين و الدنيا مو فوضه اهني شنو أي واحد بلّغ عن الثاني راح بستين داهيه ؟ لا لا مو لي هالدرجه بس مثل ما تفضّلت و قلت الكلام حق إختي Seema إن هالأشكال لازم توقفهم عند حد لأن حشان اهم زباله و إنتي بكرامه ..

لا مالي خلق أييب قفل و مادري شنو طاف .. ولو إنه مره إنباقت مني بلاي ستيشنو كنت رايح معسكر سلوفاكيا وله امبطلين الجنطه و ماخذين البلاي ستيشن و مسكرينها .. بس عادي هذي الجنطه مافي إلا ملابس و الثانية و إنتي بكرامه جواتي ..

شوفيه و عطيني رايج ..

مشكوره على إسم السايت و إذا خلصت من آيا راح أشوفه ..

لا يبا عادي ولا يهمج و مابينا سوري إختي .. و إنشالله ماكو إلا الخير ..


الله يسلمج أختي

شكرًا لمرورج عزيزتي ..

Al Pacino يقول...

هديــل

والله مو طبيعيه المسلسل إلي قاعد أشوفه الحين ..

لا لا كلش ولا الكوري .. أنا رحت كوريا 2005 و صج صج كرهت كوريا و الكوريّين كلهم ..

زين والله يعني طلع المسلسل مشهور عند البنات مو شي غريب يعني .. يالله تابعين و قوليلي رايج ..

الله يسلمج يا رب و يخلّيج ..

ما يشوفون شر لقوا عاد إلي يخاف من هالسوالف ..

يالله كملييييييييه و قوليلي وين وصلتي ..

الله يعافيج

شكرًا لمرورج .. الجميله هديــل

Al Pacino يقول...

Being One

أفا لييش :( خو ميخالف شنو يعني ماراح تكبّس عليج حياتج يمكن تستفيدين منها تاخذين عبره حق نفسج .. والله أنا ليلحين قاعد أشوفه و إصراحه وايد عجبني و إنشالله يومين و أخلصه ..

أنا شوفي و أنا أزهب جناطي حق الروحه أكون متضايق إني بسافر و من اليوم ماراح أرد إلا بعد شهرين وله شهر و نص .. والله تصدقين إني أكره السفر .. بس أحيانًا لا بد منه إذا بتكسر الروتين .. بس مو شهرين عاد :P

لووووووووووول بعد لازم نسوي بهالأشكال جذي .. إذا محد وقفهم عند حدهم إحنا موجودين :P


ماراح أقول بس ذوقج جدًا رفيع .. و إنشالله راح تعرفين بنفسج بدون لا أقولج :)

شكرًا لمرورح إختي

دمتي لي بألف خير

Katkoota xD يقول...

لااا عاد صج المسلسلات اليابانيه حلوه

انا معلقه عالياباني و الكوري بس هالايام مسلسلات خليجيه

ــــــــ

و عن الموقف صج ضحكتني
شدعوا عليهم يعني يقولون جذي
احسن شي سويته انك خرعتهم
و دامهم مو قد كلامهم و خوافين
لا يقطون كلام اهمه مو قده

تحياتي

alB6h يقول...

وعليكم السلام
اذكر قبل كانوا يحطون ع دبي هالمسلسلات ورفيجتي اتابع بس انا مشكلتي ما اطالع التلفزيون وايد وساعات انسى .. بس ضحكتني بالحوار اللي دار مع بنت خالتك ذكرتني باخوي مندمجة اقول السالفة وانا وين واهو وين يقاطعني يسال اقول اقول شي مهم اهي حلوه اهي جذي اهي جذاك لووووول

اما ع جنطتك والله زين تسوي خلصت شغلك ورتبت امورك .. لوووول اما ع التصوير هذا الشوق وما يسوي الله يلوم اللي يلومك وان شاء الله ترجع لديرة واهلك واحبابك بالسلامة :)

اممممم اما ع الموقف جنك ثبت المعلومة عنده .. مفروض تقوله شي قوووي يهدم افكاره البايخة مو قتل وما قتل .. بس همن زين سويت لما خرعته عشان يعرف شلون يتحرش مر ثانية:p

يعطيك العافية

Al Pacino يقول...

Katkoota xD
أنا إصراحه هذا المسلسل وايد عجبني ..

الخليجية ما ما أتابعهم بالتلفزيون لأن روتيني بالكويت ما يخليني أقعد بالبيت التمرين ماخذ عمري كله فأشوفهم بالمعسكرات ..
ــــــــ

خل يولون ما همّوني والله بس أنا ما أحب إلي بتفلسف و أنا أدري إنهم خوّافي بس كلام .. فخل يتأدبون .. على الأقل الحين يحترموني و يحترمون أي واحد يشوفونه عنده لحيه ..

تحيّاتي لك عزيزتي

شكرًا لمرورك ..

Al Pacino يقول...

alB6h
لوووووووول بعد صبيّان لازم نشتت المواضيع شوي .. عاد شدعوه البنات ما عندهم هالسوالف .. يا حلوه يا طويله يا ضعيفه يا مادري شنو مو عاجبني ستايلها و له شرايج :P اتغشمر معاج عاد مو تزعلين ..

إي والله الحمدلله و توني بعد مغسّل جم لبس و حاطّه بالجنطه .. يالله كلها 5 ايام و راد إنشالله .. بس لاعت جبدي صج هالمره أبي أرد الكويت .. عاد أقولج شي .. إلي خلاني أشتاق حق الكويت الBlogger والله .. من كثر ما تسلوفون عنها والله صرت مينون و أبي أرد لها ..

خل يولون .. والله يا إختي يال alB6h لو شايفه اشكالهم والله تلوع جبدج أشخال حشاج زباله و عنهم ثبّتوا وله ما ثبّتوا لأن صج هالأشكال لا همتني ولا همت حتى البولنديـن نفسهم .. أقولج وشم على كل أجسامهم و زقاير و خمر و تراجي و عايشين دور اهمه المجرمين و اهمه الحين أقول :P
لازم نخرعهم شوي .. و اهمه شافوني بعد بروحي و مو خايف فقالوا هذا جنه صج بيذبحنا :P

الله يعافيج و يسلمج

شكرًا لمرورج و طمنيني على إمتحاناتج شسويتي

دمتي لي بألف خير

~أم حرّوبي~ يقول...

هالمسلسل شفته بس ما صحت عليه وايد ..يعني دمعت عيني عليه بس في مسلسل ثاني my girl انبطيت على الحلقة السادسة وقمت اصيح خخخ واايد حلو 16 حلقه

اما عالموقف خخخخ يستاهلون ...

تحيتي~
أم حروبي~

فـ(المطيري)ـدكـ يقول...

مــسااااؤؤؤ ..

اي شعبالك هالمسلسلات روعه وتعرو القلب ..
ممممممم في مسلس كوري اسمة اسوء قصة حب ..
هالمسلسل كان بدبي يطلع كنت ابجي بجي فية هههههه
وربي لدرجة ان كان عندي دوام الصبح اصحى الفير عشان
اشوف الاعادة .. واتصل ع رفيجتي انا ابجي واهيا تبجي هههههه
والله كانت حيل قصة مؤثرة .. لدرجة ان حتى صوري واغانيهم عندي

ههههههههههههه طلعت شرس والله ..

^_^

Al Pacino يقول...

أم حرّوبي

بس دام إنج صحتي عليه فالحمدلله :P لا أتغشمر يبا دمعتج غالية ما يصير تبجين على أي شي .. و راح أشوف المسلسل إلي تقولين عنه عقب ما أخلص من آيا ..

مثل ما قلتي هالأشكال تستاهل أكثر بعد ..

أطيب تحيّاتي لك

شكرًا لمرورك إختي

دمتي لي بألف خير

Al Pacino يقول...

فدك المطيري

مساء الورد هلا والله ..

لووووول ضحكتيني والله .. طلعتوا البنات كلكم نفس بعض .. أنا ريّل إختي جذي يقولي كل يوم أقوم الفير و اشوف ختك تبجي على هسلسل الكوري و أنا أقولها يا مره قومي بلا هالسوالف إهيا تعيّي .. والله البنات إنتو مشكله :P

بعد صورهم و أغانيهم ها :P

شنو على بالج .. نحن رجال :P

شكرًا لمرورج عزيزتي

تقبّلي ودي الكبير

دمتي لي بألف خير

مبدعه يقول...

اي والله المسلسلات الكوريه واليابانيه كنت اضحك على اللي يتابعونها واقولهم تضييع وقت وفضاوه واخرتها صرت اتابعهم انا وتخبلت عليهم بعد

يعطيك العافيه ويارب ترجع للوطن بالسلامه

Al Pacino يقول...

مبدعه ..

شفتي شلون .. الله يستر من الهبّه اليايه ياخوفي إن نشوف مسلسلات برازيليه بعد عادي قمت أتوقع كل شي الحين :P

الله يعافيج و الله يسلمج و يخلّيج ..

شكرًا لمرورج عزيزتي

دمتي لي بألف خير

امراةٌ حُبلى بالعشقِ ، يقول...

مساء الخيرْ ،
إيييي بيت يدي هبّو بمسلسل كوري حلو :×
على كوريا tv ..اسمه " اغراء زوجة " ..
-
شكلي بشوف مسلسل حبيبتك p;
-
لووووولـ زين سويت فيهمْ ..
بس زين طلعو خوافين و ما تحركو ..
جان صارت سالفة :P ..
يالله هاف فنْ اهناكْ ..
و درب السلامة ،

Al Pacino يقول...

امراةٌ حُبلى بالعشقِ

مساء النور
إي قاعد يقولون والله الكوريّين زينين .. بس أنا ما أحبهم ..


شوفيه والله شي خياااااااااااااااال


إي ما يشوفون شر .. شوفي دايمًا يا أختي إذا إنتي كنتي على حق لا تخافين إنج تاخذينه .. حتى لو بالكلام مو شرط بالهواش ..

الله يسلمج

شكرًا لمرورج إختي