طبيعتي ..

طبيعتي ما الم ما نقص منّي

وانكسر ..

طبيعتي اعتقت منّي كل مادوّنت

وانسطر ..

هذي طبيعتي ..

ومامنّي منها مفر ..

صرت ما ادوّر بين الخلايق مخلوقٍ

قمر ..

ولا ادوّر ذاك اللي على خدّه حبّاتٍ

حمر ..

طبيعتي صرت عاصي أحبك والنسيان يآمرني

امر ..

طبيعتي كل شيٍ كبير بعيوني

صغر ..

حتى ذاك المكان اللي ازوره كل يومٍ

فالشهر ..

انهجر ..

اندثر ..

ولا عدت اعرف طريق ذاك

الشبر

قلبي

داخل هالقبر ..

..

شيٍ غريب ..

قلبٍ اشيله بكفّي ..

ولا دمٍ .. ولكن دموعٍ

قِطر ..

هذي طبيعته ..

وطبيعتي ..

طبيعتي اشوف الصغير صغير لو مهمى

كبر ..

طبيعتي اشوف قلبك خاين لو مهمى

دبر ..

طبيعتي مهمى عنك ابتعد ابقى لك

ذخر ..

ماهو طيبٍ منك ..

غصبٍ عنك وعن هالمخاليق

والبشر ..

طبيعتي ما التفت لو جابوا عنك

خبر ..

بتقول قصيدي ؟

بقول ابسط حلولي

ارميها وسط

الجمر ..

شوفي ذاك

الجسر ..

بنيته لك ..

لأجلك ..

لجل ما امر جنبك ..

لجل ارمي من سحابك كل شي

اندثر ..

ولجل كل ما يسقط شيٍ من الماضي

تحسبي شيٍ

ثمر ..

طبيعتي ما اشوف من قصّتك للحاضر

عِبر ..

طبيعتي كل شيٍ ما عبرته احسب إنه

عَبر ..

طبيعتي امسك بيدّي رصاصٍ ولا ادوّن

حبر ..

لجل امحي كل مزعجني

ولجل ازيّن ما بقالي من

عمر ..

طبيعتي ابتعد قربك وأخلّي غموض

الغجر ..

طبيعتي أرقد بليلٍ ..

لا اهاجيس ..

لا شجونٍ ..

ولا انطر يطلع

فجر ..

طبيعتي وساده تغنيني عن ذاك

الصدر ..

طبيعتي اسمع اجمل اغاني

ولا تطري على بالي ..

ذكري

مجيد

الفهد

ابو بكر ..

طبيعتي اعرف كل خفيّة لو مهمى وجهك

ستر ..

طبيعتي اعرف ان حبّك في قلبي

ضمر ..

طبيعتي كل الهموم تزيد في نسبتي

صبر ..

انا خلاص هذي طبيعتي ..

لو تقولي عنّي

بزر ..

خلاص هذي طبيعتي ..

باختصار ..

طبيعتي ماعدت مثل اوّل

أفرّق إلّي على خدّك دموعك أو بقايا

مطر ..