welcome

welcome to my bloge :)

الأربعاء، 20 يونيو 2012

ما أبي اسمع رجاوي

وش حرارة ذيك الحروف ..
في حبّ اشوفه برد ..
وين ذاك الوعد ؟
وين العهد ؟
كلّ شي فيك انفقد ..
..
اعاتبك في سكوتي ..
اطردني وتسكن بيوتي ..
وش تبي اكثر بعد ؟
أبتعد ؟
اوعدك ..
خذ منّي هذا الوعد ..
ولا عاد أرد ..
ولكن اشمل ضلوعي يب يحكي ..
يب يعرف ليه حبّي شرد ..
اسمعي شلّي سرد ..
..
ليه تقرب وانت تبغي انكساري ؟
وانا اللي حسبتك حبيب..
وقريب ..
سفينتي يوم اغرق بحاري ..
 مدري شلّي حصل ..
شلّي عكس ذيك المواري ..
ولكن مالومك ..
ولا نفسي ألوم حظّي ..
واختياري ..
يوم إنّي غليتك ..
وفي ذبلك رويتك ..
والغيت اعتباري ..
لا تحاتي ..
كمّل طريقك ..
وضيّع منهو يفيدك ..
حتّى اعتذارك ..
بعد لا تحاتي ..
أنا بنوبك وبقدّم لي اعتذاري ..
وبعد لا تحاتي ..
ما تحل في بعدك عذاري ..
واوعدك ..
امحي اسمك من ضلوعي ..
في يدي والا دموعي ..
مو مهم ..
المهم ابدي نهاري ..
دون اسمك ..
حسّك ..
ذكرك ..
ولا اجيب طاري ..
المهم من كسوري ابدي ازدهاري ..
..
تعرفي من انا ؟
اعوذ بالله ..
انا اللي رقيتك ..
وانتِ في اعلى انحداري ..
انا اللي نبتّك وصرتي لي احلى شجاري ..
انا اللي اعيشك وانا في عز احتضاري ..
انا اللي ما اقطف الا ثماري ..
وانا اللي في سهر ليلي ..
حمر عينك اداري ..
أما انتي ..
هذا أنا ..
جالس مع انتظاري ..
جفيت حبّك وصرتي لي عين عذاري ..
في وسط الصحاري ..
نستمع راشد ..
ببتعد ..
ببتعد ..
وهذا قراري ..
باختياري ..
ما أبي اسمع رجاوي ..

هناك 14 تعليقًا:

Seema* يقول...

كتبت الشوق, كتبت الحب, كتب أشكي على هالبعد..
صبّرت وايد.. وعليك, كان المزاج طويل.. نطرتك صبح, نطرتك ليل.. تعبت وياك.. وتعب هالحيل
وينها أخباري عنك؟ كيف توصل بك المواصيل تطفي مني حاضري وما يجيني منك رد؟

الجودي يقول...

كنت هنا .. و الفقد و القرار !

شكرا لك

حَافِـيَةُ الَقَدمَيّـنْ ولِبَاسِي المَطـرْ يقول...

من زمان عنك باجينو ,
مازلت تكتب تلك الحروف , ومازلت أتذكر كل شيء , كلَّ تفاصيل الألم


ألم تَنسى ؟

Reem AlHajri يقول...

جميل :)

Al Pacino يقول...

Seema

في صورتك القى كلام ..
في طلّتك صبحي ينام ..
قمر وجهك وارموشك سهام ..

عساني مانحرم من وجودك ..

Al Pacino يقول...

الجودي

دمتي هني عزيزتي

Al Pacino يقول...

اهلا اهلا حافية

سأبقى اكتبها فقط .. لم يعد هناك مكان للآلام :)

Al Pacino يقول...

Reem

وجودك الأجمل

دمتي

صفحات مُلطخّة بحروفي يقول...

" لا الرجاوي بتفيد ولا العتب "





إشتقنا للفيضان التي تشكله الحروف هُنا .
عودًا حميدًا .

Al Pacino يقول...

"إي والله .. عشان جذي ما أبي اسمع رجاوي"




اشتاقتلج العافية يا طويلة العمر ..
لا تحلو العوده إلا معك ..

دمتي

Walking_towards_you يقول...

يعجبني انطلاقك وغزارة ما تطرح

أهنييك

Al Pacino يقول...

Walking

تأكدّي لو لم يكن لكم وجود هنا لما كنت اكتب تلك الكلمات ..

شكر من القلب عزيزتي ..

اتمنّى ان اراك دومًا

Unique Girl يقول...

رجاوي ..

قمت أخاف منهم ..
لأن مرات مايوصفون شكثر إحنا محتاجين هالشي الي نرجيه .. فنظل ساكتين ..

كلماتك دايم لها طعم غير ..

يعطيك الف عافيه .. بالتوفيق ..

نقل عفش يقول...

كلمات رائعة جدا بارك الله فيك
وبالتوفيق