قصّة قصيره
الحبيب : ألو
الحبيبه : هلا حبيبي
الحبيب : ها حبيبتي وينج ؟
الحبيبه : بعد شوي بطلع من السوق ..
الحبيب : عاد إنشالله تشترين ملابس أحبها .. كل مره تقولين والله العظيم إني شريت شي وسيع و أشوف العكس ..
الحبيبه : لا لا عاد صج هالمره و أنا قاعد أشتري قاعد أقول حبيبي ما يبيني ألبس جذي ويحب جذي ..
الحبيب : بنشوف "الأيام بيننا يا حياتي"
الحبيبه : راح تشوف إنشالله ..
بعد 5 أيام ..
الحبيب : ألو
الحبيبه : لحظه حبيبي (تكلّم رفيجاتها) الحين تبون ننزل وله لأ ؟ (رفيجتها) يالله أوكي ،إي حبيبي وينك ؟
الحبيب : أنا مع أحمدو بنروح المارينا .. إنتي وينج ؟
الحبيبه : أنا توني واصله فرايديز ..
الحبيب : إنزين أنا مو قتلج إذا بتروحون مطعم تقوليلي وين ؟
الحبيبه : والله ما أدري عنهم قاعد نتشاور أخير شي قلنا فرايديز ..
الحبيب : إنزين يالله عيل أنا بييج أشوفج أكحّل عيوني فيج و أروح..
الحبيبه : (مرتبكه و متردده) لا حبيبي لا تيي و إنت معاك أحمد و أنا معاي رفيجاتي ..
الحبيب : يا سلام ! شكو يعني ؟ أول مره أشوفج مع رفيجاتج ؟ و شنو أحمد الحين صار غريب ؟
الحبيبه : لا ماله داعي بس ..
الحبيب : 5 دقايق و أيي يالله ..
الحبيبه : خلاص حبيبي لا تيي شفيك ؟
الحبيب : مشالله .. لا تيي بعد :) والله زين خوش حبيبه .. يالله باي
الحبيبه : باي
راح الحبيب و دخل فرايديز .. و شاف الحبيبه .. شافته و إهي منصدمه .. و اهو ويهه مافي تعابير و مثل ما توقّع .. جان يطلع و يركب السياره و يدز مسج
( مشالله خوش متحجبه والله .. هذا و إنتي متحجبه جذي لو سفور شتسوين ؟ و ما تبيني أيي بعد ؟ و إصراحه مشالله عليج عيني عليج بارده صج اللبس إلي أحبه تلبسينه دااااااايمًا، على العموم حبيت أقولج ترى حبل الجذب قصير، و خلّي طلعاتج و رفيجاتج يفيدونج ، كل ما اقول كبيرتي على هالسوالف أكتشف إنج ليلحين ياهل)
تكذبين بكل هدوء
حبيبتي الفريده لا شفتها كإني شايف شعاع
نورهـا يملـي عيـوني رغــم كـل السحـوب
العســل منها وفيها تـذوقه فـي كل ابتـــلاع
والغزل دوم محــتويها متعبه كل الشعــوب
ولكن شيفيد المدح وحبي في درب الضياع
صار قـلبي شمال و حبها يســري جنـــوب
تكذبين بكل هدوء وتمشي في حبل الخـداع
ما دريتي إن حبــل الكذب بسرعه يـــذوب
بنيت لـك أحلى سفـينه و قلتيلي أنا الشـراع
وقلتي نوصل موانينا قبل لايبدي الــغـروب
ضيعتي كل خطاوينا وبديتي تغيير الطباع
والسفينه ترتوي حزن تكسرها أدنى هبـوب
التحايل والخــداع زادنا هم وغـم وصراع
و صرت ما أعرف شنهو عذابي وشنهو عـذوب
ما يهم لو قالوا إني من الضباع أو السباع
كل إلـي يهـمني إنـي أنسـى حبـك واتـــوب
تظـهرين بـكل عجاب و بكل معنـى خلاع
و تكـذبي في كـل مــره تقـولي إنـي بــتوب
لا إلى اللقـاء ولكن حان الآن وقت الوداع
ســوف امحيــك مثــل الرماد بعد الشهوب
هناك 22 تعليقًا:
أمبيه اول مره اقرى شعر واندمج فييييه
عجيييييييييييب ينننن ماشالله عليييك روووعه عيني عليك بارده
عجبني وااااااايد ماشالله
تقبل مروري واعجابي بكلماتك
:)
ما شاء الله خووش شعر رايت على القصة
حتى القصة عجبتني
صج لسااانك
وتسلم ايدك :>
بعد قراءتي تذكرت شيء قد كتبته في مدونتي منذ زمن:
الثقةُ كالزجاج حين ينكسر لا يمكننا إصلاحه, ومهما حاولنا ترميمه لن يرجعَ أبداً مثلما كان. كل شيء فيه تغير, وكل شيء فيني تغير.
إن لموقف, موقف واحدٌ فقط أن يكشف كل شيء. وأن يقول لنا دون كلمات, أن ما يربطنا بشيء\شخص\مكان... ليس حباً ولا هو بصداقة ولا أي شيء آخر غير الزمن! ولكم أذهلني الزمن من قبل في تواقيته. حين يجمعنا في مواعيد, لو حاولنا ألفَ مرةٍ لما حققناها. لكن الزمن وحده قادر على ترتيبها دون دراية منا أو مساعدة. وحين نرجع لنفكر بالموضوع نقول كان ذلك صدفة!
ما من صدفٍ بهذا العالم, كل شيء يحصل لسبب. والسبب خلف هذه التجربة هو أنني عرفت حقيقة تجعلني أبتعد الآن وأتخلى عما كنت متمسكة به طويلاً, لأرى كم من الأشياء سيملأ بها القدر الفراغ الذي تركته.
\
أظن أن هناك من أساء فهم الحجاب وغاياته فهو معني بالستر لكن ما رأيته العكس.. الله يهديها ويهدينا! :)
سلمت أناملك!
البتشينو :)
كل يوم يزداد ابداعك اكثر واكثر :)
اعجبتني القصة ومن بعدها الشعر الجميل .. :)
الثقة شي كبير اذا انكسر صعب يتصلح ..
والحمدالله لما الواحد يفهم هذي الاخطاء
ويحاول ان ما تتكرر معاه ...
ابداع يا البتشينو في كل ما تسطر ..
دمت لنا بافكارك المتجدده والرائعه :)
صباحك سكر ..
نص جميل يليق بالموقف والقصة ..
بالتوفيق دوم الباتشينو :)
عجيب الموضوع
تسلم ايدك
مساء الخير
ما عطيتنا مجال نتخيل قصة قصيرة على اللي كتبته :)
اكره شعور لما تعطي انسان احساس صادق
وبمقابل مايحافظ على هالشعور !!
كلمات معبرة وعلى الموقف
فيها احساس كبير وغير جذي
فيها قوة وهذا اللي حسيته
من بيتين الاخير
لا إلى اللقـاء ولكن حان الآن وقت الوداع
ســوف امحيــك مثــل الرماد بعد الشهوب
يعطيك العافية
حلوه القصه
وفعلا حبل الجذب قصير :)
ابداااع يتلوه ابدااع
بداية على القصة
وايد بنات قاعد يفصخون حجاباتهم و اهم طالعين
سؤال : اذا بيفصخونة ليش لابسينه بالاساس ؟؟ اهمه لابسينه حق منو للناس ولا لربهم ؟؟
اما الشعر ولا أروع
صحيح في هالزمن ماكو امان
البنت تخون و الريال يخون
مهما تسامح و تقول المره الياية غير هالمره بيغيرون
تنصدم بشي يديد و تنعدم الفرحة بذكرى شي قديم
الثقة ان راحت ما ترد و ان ردت ما ترد مثل قبل
شعورك .. فكرك .. قلمك .. فحروفك مبدع
دام قلمك
تحياتي
Unique Girl
الحمدلله إنج إندمجتي بالشعر و هالشي وايد ونسني والله
و الحمدلله إنه عجبج و طلع إينن :) و إنشالله دوم يعجبونج أشعاري ..
شكراً لمرورك
تحيّاتي اختي
هديل
إذا كان الإحساس صادق في كتابت الشعر .. سوف ترين أن الشعر والقصه وجهان لعمله واحده ..
مشكوره وايد على إعجابج للقصه ..
صح بدنج و الله يسلمج و يخلّيج ..
شكراً لمرورج
تحيّاتي لك
العفه جمال للمراة ,
للاسف صار اللبس المو محتشم اهوا الشي الحلو بنظر المجتمع
"يأتي زمان على امتي القابض على دينه كالقابض على جمرة من نار"
للاسف صرنا احنا من هالزمن الله يعيينا ,,
حروفك جميله جدا وصلت قلبي و هزته
Seema
و أنا كذلك .. بعدما قرأت كلماتك .. تذكّرت كلامي في السابق .. دائماً أقول أن الثقه مثل كوب .. إذا إنكسر .. وتفتت أجزاءه .. من الممكن أن نجمع هذه الأجزاء و نركبها من جديد .. ولكن لن تعود مثل سابق عهدها ..
ولكني أختلف معاك في موضوع الصدفه ..
الصدفه موجوده في هذه الدنيا .. نعم يوجد هناك شيء يسمّى صدفه ولكن هذه الصدفه ليست سوى طريقه لكشف الأشياء للناس .. تقولي بأن لا يوجد شيء يحصل إلا و له سبب .. و أنا أقول كذلك و لكن كيف يحصل .. هل عن طريق ميعاد ؟ أو صدفه ؟ أم لقاء ؟ الأحداث الذي يفعلها الزمن ليست سوى طرق نحن من يحدد هذه الطرق لمعرفة هذه الأسباب ..
للأسف .. أستاء كثيراً عندما أرى إمرأة تلبس الحجاب و تظهر كل أجزاء جسمها و رقبتها و كذلك شعرها .. إذاً لما هذا الحجاب .. هناك امرأة ليست محجّبه ولكنا تحترم البس الذي تلبسه .. ولكن هناك العكس .. والعكس صحيح ..
شكراً لمرورك الجميل و أرجوا أن تتقبلي مني وجهة النظر .. و دائمًا أقول .. الإختلاف في الرأي لا يفسد في الود قضيه ..
تقبّلي ودي و تقديري و أشد إحترامي لك
Antonio
أشكرك كثيراً على مديحك ..
أتمنى دائماً أن تعجبك قصصي و أشعاري أخي ..
كلامك صحيح .. الثقه صعب أن ترجع بعد فقدانها في هذا الوقت ..
نعم و أنا أتفق معك .. ليس عيب الخطأ .. ولكن تكرار الخطئ هو العيب ..
شكراً لمرورك أخي .. تقبّل أشد إحترامي لك
أطيب أمنياتي
مساء الورد
Engineer A
شكراً لمرورك أختي .. أتمنى أن تعجبك قصصي و أشعاري دائما .. أتشرف بذلك كثيراً
أتمنى التوفيق للجميع
تقبّلي ودي و تقديري لك
أشد إحترامي
دمتي لي بألف خير
Fiona
ضيف جديد في مدونتي ..
أسعدني مرورك أختي
شكراً إعجابك بالموضوع
و الله يسلمج و يخليج
دمتي لي بألف خير
alB6h
مساء النور على البطه العزيزه و المميزه
و شسوي بعد هذي القصه و ليش يعني وايد طويله :P
كلامك صحيح .. في وايد من الناس نعطيهم الثقه و الإحساس الصادق و يبادلونا عكس هذا الإحساس ..
شكراً على تمعنك في الشطرين الأخيرين ..
الله يعافيج و يخلّيج ..
شكراً لمرورج إختي ..
تقبّلي ودي و تقديري و اشد إحترامي
دمتي لي بألف خير
اقصوصه
الحمدلله إن اعجبتك القصه يا اقصوصه :)
و كذلك حبل الكذب بسرعه يذوب :)
شكراً لمرورك و أتمنى أن تكوني من الدائمين
تقبّلي ودي و تقديري لك و أشد إحترامي
دمتي لي بألف خير
ابداااع يتلوه ابدااع
بداية على القصة
وايد بنات قاعد يفصخون حجاباتهم و اهم طالعين
سؤال : اذا بيفصخونة ليش لابسينه بالاساس ؟؟ اهمه لابسينه حق منو للناس ولا لربهم ؟؟
Katkoota xD
شكراً لأن عجبج الشعر ..
بغض النظر عن الخيانه إن الواحد يخون و يروح حق الغير .. ولكن ليش لين أعطيك الثقه إنت تاخذها و تكسرها ؟ و للأسف ساعات الواحد لين يعطي الثقه حق أحد ينقال عنه"صيده" ليش ما ينقال لأن طيب و ما يبي يخسر الشخص عشان أشياء ممكن تكون تافهه :)؟
مديحك أخجلني كثيراً .. شكراً على هذه الكلمات البسيطه و المعبه ..
تحيّاتي لك ..
تقبلّي ودي و تقديري
أشد إحترامي لك
دمتي لي بألف خير
Being One
"العفه جمال للمراة" دائماً أقول هذه الكلمه .. شكراً على هذه الكلمه التي دائماً أذكرها في الحين و الآخر
للأسف والله أغلب الناس الحين ترى الينت "المترصرصه و الي ذابحه نفسها" هذي البنت الكشخه .. ولكني والله ثم والله .. إني لأفرح و أبتسم لين أشوف البنت و إهي محتشمه أو حتى محترمه اللبس إلي لابسته .. إن كانت محجبه أو لا .. أهم شي إحترام الذات و بعدها إحترام الناس ..
"يأتي زمان على امتي القابض على دينه كالقابض على جمرة من نار"
شكراً لك
يسعدني أن أقرأ منك هذه الكلمات أختي .. أتمنى دائماً أن أصل إلى قلبك .. بإحساس صادق ..
تقبّلي ودي و تقديري لك
دمتي لي بألف خير
رائع..............................
السفور نقص الثقة بالنفس وحب للظهور بالاسلوب الخاطئ
فوفو
شكرًا لك و لإعجابك في الموضوع
ولكن أنا لم أتحدث عن المرأة السفور .. أنا تحدثت عن المرأة التي لا تحترم ذاتها بأنها إمرأة محجبّة و تلبس كل ما هو فاضح .. هناك الكثر من النساء "السفور" يلبسون لبس محترم و محتشم و يحترمون ذاتهم .. و العكس صحيح ..
تقبّلي ودي و إحترامي لك أختي
دمتي لي بألف خير
إرسال تعليق