welcome

welcome to my bloge :)

الخميس، 21 يوليو 2011

يا زينها بنت الكويت







هذه الكلمات إهداء لكل انثى تنتمي لهذا البلد الحبيب





" الكويت "







يا زينها بنت دِيرِتي





يا عَساني دُوم ارتويت





حتّى وانا في غِربتي..





في وِحدِتي ..





من شِفتُهُم فيها طَرِيت ..





يا زينها ..





يا طيبها ..





بنتٍ .. لو أبحكي ..





يمكن أبكي..





دمعٍ كِتَبكِي في كتابٍ ..





أجلِس أقرى ..





أقرى ..





وأقرى ..





ولا عُمري طُويت ..





..





يا شِينهُم ..





أو بالأحرى ياشينَها ..





رَغم كِل بَيَاضٍ ..





واحمِرارٍ ..





وقَوامٍ يِساوي قوائم ..





يبقى مَلى عِيني حِسنَها ..





وذاك السِواد اللي يزيّن عِفّها ..





ورَغم كِل الغيوم اللي بعيونُهم ..





والوانٍ تًشرق بَعد ضَرب اشموسُهم ..





أنا على عَهدي عاشقٍ طوقٍ أسود بعيونها ..





..





يَخجِلون لا فيهُم أنا احتَريت ..





بنتٍ مادَرَت أصلَها ..





فَصلَها ..





وغيرها كان يِصيحٍ بِصَدر البيت ..





امّا بِنتِنا ..





تِفتِخِر ابعِرقَها ..





أحدَاث أجدَادَها بِشبرها ..





ولو هُم بكَفّه و هي بكَفّه ..





بُقوا هُم بالأعلى و هي تبقى بثِقلَها ..





..





شَرِيت ..





أنا غِيرَها والله مَا شَرِيت ..





يَكتُبوا عَن حِسنُهم ..





عَن جِفنُهم ..





عَن شِقر الخِصل ..





مِن مِيّة فَصِل ..





ولا أشعِر إنّي رِوِيت ..





وعلى كِل مَاقَرِيت ..





ولا يِسوَى هذا مِن حَرفَها ..





بِنت دِيرِتي تُميّز مِن عِطرَها ..





حتىّ وأنا جالس و ظَهري يُواجه ظَهرها ..





كِل العِيُون تِتلاقط مِن غُربها ..





في ذاك الوَقت بحضُورَها أنا دَرِيت





..





بِنت دِيرِتي ..





تِنادي وأنا لَجلَها لَبيّت ..





مَهما تِكون المَسافه ..





مكانٍ يزيدٍ بَعاده ..





أنا لَجلِك جَريت ..





لأني أحبّكم ..





وأنا مِن السَابِق نُويت ..







..





مِن حِلوَها





دومٍ يِتزايَد سكّر دَمّها ..





وعلى سَطحَة جِلدَها ..





يِتنَاثَر خَبر ..





ماهو على الوَاقِع ..





ولا بِين البَشَر ..





ولكن أحداثها يِتجمّع بَعد خَطوَاتَها نَملَها ..





وبَعد كِل خَطوة قَال قَايِدهُم سَرِيت ..





..





يا ربّي زيدَها ..





زيد مِن زِينة قَلبَها ..







تَرى أنا فِيهُم هَوِيت ..





ولا تَبلانا فِي بِنتٍ تِتِفاخَر بفِضحَها ..





وعِذرَها "Open" عَقلَها ..





يا زِينَها بِنت دِيرِتي ..







ويازِين سِترَها ..





ياريت ..





ياريت بَنات العَالَم مِثلِك ..





ياريت ..





..





عسى يكبّر صَرحَها ..







ويِجمع مَع مِن تِحبّه شَملها ..





يازينها بِنت دِيرِتي ..





يا زِينَها بِنت الكويت ..





هناك 10 تعليقات:

غير معرف يقول...

أجزم إن بناتنا راح يستانسون ويتشققون على الكلمات

صفحات مُلطخّة بحروفي يقول...

الله عليك ..

لا الصراحة ما نقدر على كل هالمدح ،
والكلام الطيّب ..


كالعادة مُبدع في اختيار الكلمات ،
والقافية جميلة أيضًا ..

Seema* يقول...

الله! : )

الجودي يقول...

صح لسانك ...


جذي السفرة اتسوي ... بنسفر كل شباب الديرة لوووول ..

أهم شي اتحافظ على هالنظرة لما تكون في الديرة p;

ترد بالسلامه :)

Antonio يقول...

الله يا البتشينو مبدع وقلتها في تويتر انك مبدع ..

الكويتية هي امي واختي وخالتي وعمتي وجدتي .. فلهن كل التقدير والمحبة والاحترام ..

اشكرك لانك قلت اجمل صفات نسائنا الذين نحن منهم وهم منا ..

لك كل التقدير والاحترام

ودام ابداعك :)

والله يردك بالسلامة
بحفظ الله ورعايته يا خوي

Engineer A يقول...

الله :)

صح لسانك والله يردك بالسلامة .. مبارك عليك الشهر

حَافِـيَةُ الَقَدمَيّـنْ ولِبَاسِي المَطـرْ يقول...

هل من جديد ؟


لنملأ الأفئدة بالكلماتِ الهاطله

Unique Girl يقول...

الله الله عليك البوتشينو

ابدااع والله ابدااع ..

يوم قريته حسيت إنه لنا قيمه :p

..

يعطيك الفين عافيه ويوفقك دووم ..

يالله نبي بوستات يديده مشتاقين نقرالك ..

aL-NooR . يقول...

اللــــه
حبيت النص
تسلم ايدك

شركة المنارة تنظيف منازل وفلل وموكيت وسجاد بالدمام يقول...



شركة مكافحة حشرات بالجبيل
شركة مكافحة النمل الابيض بالجبيل
شركة تسليك مجاري بالجبيل
شركة تنظيف مجالس بالجبيل
شركة تنظيف مجالس بالخبر