اشـتقـت لليـالي اشتيـاقـك لشتيــاقــي اللـي راحت
واتذكر كيف بأتخيري تعاتبني، تجرحني و تذمّني
واضحـك مـن فرحتـي و اسمعـك وأكـون سـاكت
لأنــك أطهـر من جرحني بكلامه وبضميره حبّني
ولأنـك أصــدق مـن نــزل دمعـه بخـده و سـالـت
و ادري بــك كلمـا زاد زعـلك تقـرّبنـي وتضمّنـي
و أدري بهـا أحـاسيسـك كل مـا تبعـد إلـي جاءت
وادري بـك تبـي تذبحنـي بحبك و بشفاتك تسمّنـي
ولكـن كـل أحاسيسـي لاتجاهـك شـابـت و مـاتـت
دفنتهـا مـع خليـط مـن مشـاعر نـدم كانت تسرّنـي
و يـامـا تمنيـت هالمشاعر لغير قلبك كـان عاشت
لكنــّي فعــلأ أدركــت مانيـل المـطالـب بـالتمنّــي
و ياليـت لـو أقـول لأيامي تعود بس لحظه عادت
والله لأنســى غرامـك و اخليـك من بالـك تشيلنـي
ترمي قصتي من بين إيديك واسألك اتقول طاحت
كـل هـذا كـره عيـل ليـه تقـول من جــد تودّنــي ؟
وانا من كثر حبـي و عشقـي حتى فروتي شـابـت
اكـذب عليــك لـو قلـت نـاسيـك و مـاعدت تهمّنـي
لــو اني ناسيك ماكتبـت العشـر أبيــات وسادت
لكنـي بقــول أحبــك مثـل أكـرهـك بمعنـى تحبّنـي
هناك 11 تعليقًا:
كلماتك هالمره حيييل صعب , مو بالفهم بالمعني
فيها فلسفة حب تعطي طعم مختلف , فيها نوع من
قوة بس مندمجه بحزن او نوع من الندم!
والذكريات الحب لصارت جذورها بالقلب صعب صعب
في يوم نقدر ننساها , من جذي لازم ما نعطي للغير
الحق انهم يملكون احساسنا اللي بعد مليون ضمان
وضمان ولا فوقهم شك بعد!!
يعطيك العافية ع الكلامات الجميلة :)
alb6h
مثلما إنتظرت .. مثلما توقّعت .. فأنتي أول الحاضرين .. شكراً جزيلاً لك
شكراً على مديحك لهذه الأبيات .. شيء جميل أني إستطعت إيصال رسالة معينه إلى قلب شخص يقراً هذه الكلمات التي لا تستطيع قراءتها العيون و لا أحد يفهمها إلا القلوب ..
و كما أقول يل alB6h .. إن النسيان قادم في القريب البعيد لا محاله منه .. و فرج الله سيحين ..
انا الآن أقف عند باب النسيان .. و أطرق بقلبي .. عله و عسى أن يفتح لي في يوم من الايام و يسمح لي بدخول "بيت النسيان"
شكراً على مرورك الجميل يا alB6h الجميله ..
تقبّلي ودي و تقديري
أشد إحترامي
يشهد علي ربي .. من اول ماحيطت البوست وانا اقرى
الابيات بس احس اني ما استوعبتها << لان بالي حيل مشغول .
والله تقريبا 7 او 8 مرات ابطل بلوقرك واقرى البوست بس
احس تفكيري يتشتت ..
حاولت اضبط نفسي ع قد ما اقدر .. وكل بيت اقراة
مرتين او ثلاث ..
ما شاء الله والله احساس ولا اروع .. ابدعت
حسيت بجرح كبير بداخلكـ .. والاكبر الحب اللي
عمره ما راح ينمحي ..
بس اقولك شي ..
من باعك برخيص (( وزعه ببلاش ))
صارت الابيات خفيفة علي وكل شوي صاعده اقراها
من اول ويديد .. صح لسانكـ ..
حبيت الابيات ..
واعذرني والله تفكيري متشتت والا انا قريت البوست من
اول ماحطيتة العصاري .. بس والله ثم والله بالي مو ياي
قواك الله
العذر والسموحة منكـ مرة ثانية
البتشيووو
كلماتي اضعف من ان تتغزل بروائع ما كتبت
ساكتفي بالتصفيق لاحساس حرك مشاعر كانت ستنسى
انها مشاعر
تقبل مروري
تقبل اعجابي
وضمني لنادي المعحبين بك
لاتمتتع بما تسطر مدونتك من روائع
حفظك الله ورعاك
وترجع لنا بالسلامة ان شاء الله
فدك المطيري ..
عسى ما شر والله أحزني الخبر إنه بالج مشغول و منتي على بعضج .. أتمنى يكون كل شي بخير الحين و يكون بالج رايق ..
و أهديلج هالكلمات "منت رايق .. فيك شي وامتضايق .. منت في طبعك .. ولا هذا مزاجك"
شكراً على مديحج و كلامج الطيّب .. الحمدلله الجرح إنشالله الحين لو بعدين راح يبرى ..
ذكرتيني بإغنية سعد الفهد " من باعنا برخيص .. بتراب ينباع"
والحمدلله إن اعجبتج الأبيات و صارت خفيفه عليج ..
و معذوره يالغالية و أتمنى إن ما تكونين متضايقه بس و لو نعرف السبب يكون أفضل بعد ..
الله يقويج ..
تقبّلي ودي و تقديري و أشد إحترامي ..
دمتي لي بألف خير
Antonio
شكراً يا أخي على هذه الكلمات التي دائماً أضعها وسام على صدري ..
فصدّقني إن هذا الوسام هو الأبداع الذي ترونه مني .. و ذلك الإبداع ليس سوى إنعكاس منكم أنتم من يزور مدوّنتي ..
تقبّل ودي و تقديري و أشد إحترامي ..
دمت لي بألف خير
كلام يعوّر القلب!
Seema
سلامت قلبج إنشالله ..
و الحمدلله على كل حال و الله كريم ..
شكراً لمرورج ..
تقبّلي ودي و تقديري و إحترامي الشديد ..
دمتي لي بألف خير
اصفق ..!
ابدعت جدا .. سلمت يمناك
aL-NooR
تسلم إيدج ..
شكراً لهذه الشهاده التي أضعها وسام على صدري ..
الله يسلمج و يخليج ..
شكراً لمرورج .. لي الشرف بمرور شخص مثلك مدوّنتي ..
دمتي لي بألف خير
تقبّلي ودي و إحترامي الشديد
إرسال تعليق