welcome

welcome to my bloge :)

السبت، 17 يوليو 2010

إهداء منّي لكم

بسم الله الرحمن الرحيم ..

إصراحه من بعد الإصابه قاعد كله بالغرفه و شوي متضايق و ما أروح مكان بس اقعد اشوف تلفزيون أو أكون شابك أو أشوف مسلسلات أجنبية من الملل ..



متضايق لأني على كثر ماكنت مجتهد بالتمرين على كثر ماكنت أعطي من نفسي قلت شلون يتلي الإصابه كنت دايماً حريص على نفسي والحمدلله وضعي جدام المدرب وايد ممتاز و من المفضلين عنده ولكن "قدّر الله ماشاء فعل" والحمدلله على كل حال ..



أنا في الحقيقه كل ما أقوم من النوم لازم أرتّب الغرفه و كل يوم أغير شي فيها .. عشان لا أمل من شكلها بعد قاعد 52 يوم بره الكويت لازم أسوي Action شوي .. مو جذي السالفه .. طبعاً أنا كتبت في بوستات قبل إني وايد أيمّع خرده أو إني بالأحرى ما أحب أستعملهم دام إن الورق يكون معاي .. السبب ليش ما أدري .. فكنت قاعد أرتب الغرفه و الخرده من ضمنهم .. كل يوم أرتب الخرده شكل هم عشان لا أمل من شكلهم :P



طبعاّ عملتهم في بولندا تضّحك .. إسمها "ازلطّي" لووووول أدري الكل قاعد يضحك الحين بس والله هذي اسمها .. على العموم خل اوريكم التشكيلات إلي شكلتها بالخرده من الملل






طبعاً ساعات يدشّون علي اللاعبين يقولولي إنت صج صج صج عقدتنا .. أول شي والله فاضي كل يوم مسويلنا شكل بالخرده و بالغرفه .. ثاني شي متى تسويهم و إنت 24 ساعه امبطّل باب الغرفه و كل ما نمر عليك نشوفك قاعد بفراشك و شابك .. ثالث شي صج إنك مزاج ..









لا و فوق هذا تلاقون بالمطعم ساعات يقولولي ها نييك الغرفه نشوف شكل الخرده اليديد :P




و هذي الصوره إهداء إلى جميع الأشخاص إلي تزور مدوّنتي و تعلّق على مواضيعي فارجوا قبول هذه الهدية المتواضعه مني لكم جميعاً
.

هناك 13 تعليقًا:

alB6h يقول...

مساء الخير

شفت شلون كنت المفروض من البداية لما كنت تحس بالالم ما كنت تهمل , كنت المفروض توقف لعب , يلا الحمدلله ع كل حال , كل شي قضاء وقدر ولا تكدر خاطرك ان شاء الله تتحسن وتقوم وتلعب وتطلع , بس انت حط بالك ع نفسك وهم اقرى ع عمرك ..


لا الملل يسوي شغله , غير الابداع بالحروف همن ابداع بالافكار , احلى صورة اللي ع الارضية بيضة وخاصة ثاني صورة من الارضية البيضة , زاوية التقاط الصورة حلوووة , وحركة الكتابة بالعملة عجيبة ,
ومشكور ع الاهداء :)

قواك الله

Al Pacino يقول...

مساء النور .. والله إنتي تخجليني يا alB6h

دائماً في المقدما و أول الحاضرين .. وعسى دوم تكونين في المقدمه في حياتك العلمية و العملية .. مشالله عليج ..

إي والله كلامج كله عدل و أنا أعترف إني غلطان ولكن الحمدلله على كل حال و وعد إنشالله المره اليايه بعيد عني و عنكم الشر إذا حسيت بأي شي راح أوقّف من البداية .. و إنشالله بحط بالي على نفسي و راح أقرى على عمري إنشالله ..

لوووووول إي والله يسوّي وايد أشياء و مشكوره على مديحج .. إي صح ترى حتى أنا قلت هذي خوش صوره مادري جذي يعني بعيش الدور ني مصوّر :P

و مشكوره وايد يا alB6h

و تستاهلون أكثر من جذي والله

الله يقويج و مشكوره مره ثانية

دمتي لي بألف خير

تقبّلي ودي و إحترامي و أطيب أمنياتي لك

Seema* يقول...

فرصة ترتاح, وتسلي نفسك.
وعاشوا الـBloggers! :))

Al Pacino يقول...

Seema

الحمدلله على كل حال بس ما أحب أرتاح وايد ..

عشات ايامج

دمتي لي بألف خير و شكراً على مرورج

هديــل يقول...

ما تشوف شر ان شاء الله
وياارب قريب تشفي من اصابتك :>

انا عن نفسي بعد احب التغيير وما احب اقعد على روتين واحد فغرفتي بسرعة امل من ترتيب الاثاث .. عاد امي عصبت علي ان كل شوي اغير ترتيب الغرفة قمت اخليها كل موسم سواء نهاية امتحاناتات او بدايتها او بداية عطلة :>

يونس شكل الخردة واحلى شي اول شكل :]

وشكرا ع الاهداء =)

يعطييك العافية =)

Al Pacino يقول...

هديــل

الشر ما إييج إنشالله
إنشالله الله يسمع منج يا رب

عدل كلامج الروتين الواحد يملل و شي حلو إنك كل يوم تغيّر شكل الغرفه و جذي .. نفس أمي جذي تسوي مع خواتي ما تخليهم يغيّرون أثاث غرفهم إلا بعد الإمتحانات أو بعطله و طبعي إنسي يغيرون برمضان ما يحبون ..

إي لوووول حتى أنا أحبه إلي يم القلاص :)

ولو هذا واجب و سامحينّا على القصور

الله يعافيج ..

شكراً على مرورج و دمتي لي بألف خير

نـ(المطيري)ـازكـ يقول...
أزال المؤلف هذا التعليق.
نـ(المطيري)ـازكـ يقول...

مساك الله بالخير ..

جيف امسيت ^_^

بشرني عنك ان شاء الله لا باس ..

وشلون الاصابة .. ان شاء الله اليوم احسن .. وشلون الوالدة ..

ممممممم .. مرات الاهتمام .. والاجتهاد زيادة عن اللزوم ايي عكسي .. الصحة ماتقدر بثمن ..

تسوى عليك الحين .. كان في بداية اللعب الم خفيف بريلك .. لو مريح جان مازاد ووصل لي راسك ..

يعني حتى المدرب ما حب منك هالحركة .. يبة تعبان مالله حادك تلعب .. ارتاح شوي وبعدها اذا تحسنت رد ..

شوف الحين قاعد بفراشك ومتملل .. تدري شلون عقاب لك مفروض المدرب يدخلك للملعب

تمرين ويشد عليك بعد .. تدري ليش ..؟ عشان مرة ثانية

اتوب اسوي هالحركة .. مو حد .. عشانك يالعنيد

يالله ابي البوست الياي تسوي لي بالخردة FDK305 بس ابية بخط حلو << اقول برررة ههههه

والا راح ادعي ان خردتك تنباق ههههههههه ^_^

حافظك ربي ..

*****

سوري شلت الرد بدون قصد ورديت اكتب مرة ثانية :(

Al Pacino يقول...

هلا والله بفدك المطيري

والله كما أصبحت ..

الإصابه الحمدلله قاعد آخذ حبوب علاجية و قاعد أسوي جلسات العلاج و إنشالهل الحمدلله .. و الوالده الحمدلله قاعد أكلمها كل يوم و بخير و صحة الحمدلله ..

أقول إنتي لو تصيرين مدربه جان كل اللاعبين متحرولين منج .. شنو متوعوّر و عقاب إدربيني .. خوش مدربه والله :P

و إنشالله من عيوني باجر دشي على مدوّنتي و راح تشوفين إهداء حقج خاص ولا تزعلين ..


الله يحفظج إنشالله

و ما بينّا سوري يا فدك مدوّنتي إهي مدوّنتج تسوين فيها ما تشائين أفا عليج

تقبّلي ودي و إحترامي الشديد

دمتي بألف خير

غير معرف يقول...

تضحك اسم العملة مالتهم، بكل دولة اسم عملتهم الخردة غير عن الورق، يعني احنا فلس -دينار بالسعودية هللة - ريال وهكذا.. وحبيت تشكيلات العملات أنا بعد لما أكون مسافر مادري ليش أقعد ع السرير وألعب فيهم وأسوي فيهم أشكال. يله ميخالف ريح عدل علشان تقدر تقوم على حيلك مرة ثانية.. وألف سلامة عليك مرة ثانية وهذي خيرة إنك طحت بهالفترة ماتدري لو ماكنت طايح شنو كان ممكن يصيرلك.. ف الحمدلله انا يت على جذي.. أهم شي لاتتعب نفسك وريح ريولك قد ماتقدر

Al Pacino يقول...

قلم و مسّاحه

إي حدها تضحّك عملتهم .. بس عشان أوضّحلك .. اهني الخرده و الورق نفس المسمى "ازلطّي" و الحمدلله إن إعجبتك التشكيلات ..و حلو إن تكون فيك أشياء نفسي :)

عدل كلامك خيره و الحمدلله على كل حال إنشالله أرد أحسن من قبل و أرجع حق التدريب بأسرع وقت إنشالله ..و قدّر الله ماشاء فعل .. والحمدلله على كل حال مره ثانية ..

و إنشالله ماراح أتعب تفسي تامرني أمر إنت ..

شكراً على مرورك الجميل ..

تقبّل ودي و أشد حترامي

أطيب أمنياتي ..

دمت لي بألف خير

Maram يقول...

أسعدني التعرف علي مدونتك المميزه و

سلامتك و ما تشوف شر ان شاء الله

Al Pacino يقول...

maram

شكراً على مديحك .. أتمنى أن تكون مييزه مدوّنتي .. ولكن من يميّزها دائماً هم أنتم ..

الشر ما إييج إنشالله و عساج على القوة

دمتي لي بألف خير

تقبّلي إحترامي و تقديري